ခရင်းမခိုင်..အခေါင်ယိုင်

ခရင်းမခိုင်..အခေါင်ယိုင်

အဝေ..................

တက္ကသိုလ်ကျောင်းသား.........

သီအိုရီတခရား လေးနန့်စား

ငါးနှုတ်ကေ တောင် ပြောမကုန်

ဖတ်လို့လေ့မကုန် တောင်ပုံယာ အဖုံဖုံ။။။။

အဝေ...................

တက္ကသိုလ်ကျောင်းသား.........

ထိုသူရွီးရေစာအုပ် ဒေသူရွီးရေစာအုပ်

ထိုစာအုပ်ကဒေပိုင် ဒေစာအုပ်ကဒေပိုင်

ဘွတ်(ခ်)-book ထဲက စကား

စာသင်ခန်းထဲ က တရား

နှုတ်ကျက်ကျက်ဗျလ်ထားကေ

ငါလေ့ ..ပြောဖို့တတ်တေဝေ။။။

အဝေ................

တက္ကသိုလ်ကျောင်းသား

ထိုချင့်ကိုလက်ခံလား...ဒေချင့်

ကိုလက်ခံလား

မိန်းခွန်းပေါင်းများစွာ လာမမိန်းကဲ့

အချိန်ကုန်ရေ..ဆွေးနွေးပွဲရာ အဖတ်တင်ရေ

အဖြေစစ်မဟိ..ရှုထောင့်အားလုံးလက်ခံ၏

သတိ....

ideology- အိုင်ဒီယော်လော်ဂျီ

ခွီးရူးပြန်နိန်သည်။။

အဝေ...............

တက္ကသိုလ်ကျောင်းသား...........

ပြိုင်တူမကျရေ အတွီးအခေါ်

လာခြင်းကမတူစွာ

မင်းမှာဟိရေ Background

ငါ့မှာဟိရေ အက်ကြောင်း

လွန်ဆွဲနိန်လို့ အလကား

နှိုင်းယှဉ်ကြည့်ကေ မြင်ဖို့ပ။။။

အဝေ...........

တက္ကသိုလ်ကျောင်းသား............

ငါရို့ပြည်တိုးတက်ဖို့

ငါရို့ခွန်းအား..သဲတဆုပ်စာလိုနိန်ချိန်ခါ

အဂုကပင် ရသလောက်ချေ

တတ်သလောက်ချြေ

ခြီရင်းကပင် အုတ်မြစ်မချကေ

အခေါင်မိုးဖို့ အိမ်မက်

မင်းဆက်မမက်ကဲ့ဖိ.......

အဝေ...

တကသိုလ်ကျောင်းသား..........

စိတ်ကူးထုထည်ကြီးမား ရည်ရွယ်စွာကတခြား

ထိုင်ခုံရရေချိန်မှ...အမြင့်ရောက်တေချိန်မှ

လက်တွဲခေါ်ချင်ရေ..မင်းစကား

အဝေ..တကသိုလ်ကျောင်းသား....

ယင်းခါလေ.........ငါရို့လေး သီယာ..ဘား.....။။။။။။။။။

                                                                                                                     ရွှေခိုင်သူ
                                                                                                                 24-November 2010
မှတ်ချက်။ ။ ၀ီဖန်ရေး ကဗျာမဟုတ်ပါ...တိုက်တွန်းအားပီးလိုခြင်းသာဖြစ်ပါသည်။။
အသုံးအနှုန်း။ ။(အုတ်တချပ် သဲတပွင့်သည် နည်းသည်ဟုခံစားရပါသည်။။)- ယင်းတွက် (သဲတဆုပ်စာဟုသုံးပါသည်။။)