Write by နှင်းအိပ်မက်
ရယ်သံမဲ့ ည
လမ်းခွဲများနဲ့ လူ့ဘ၀ရဲ့ လမ်းမကြီးမှာ
ရွေးခဲ့မိတဲ့ အတိတ်လမ်းကိုလည်း
နှောင်မတွယ်ရစ်လိုဘူး…
အနာဂတ်အတွက်လည်း စိုးရိမ်စွာ
မမျှော်မှန်းလိုဘူး …
ဝေဒနာတွေလည်း မကြော်ငြာလိုပါဘူး
ရင်ထဲက အရှိတရားတွေ ပွင့်အန်လို့မရတော့ရင်
ရေငုံကာနှုတ်ပိတ်လို့ တိတ်ဆိတ်စွာနဲ့
ရိုးရှင်းစွာပဲ ဖြတ်သန်းမယ်။
နာကျဉ်စွာလဲကျလို့ ဆုံးရှုံးခြင်းတွေကြုံရတဲ့အခါ
ပျော်ရွှင်မှုဆိုတာလဲ အစရှာမရခဲ့ဘူး
ဝမ်းနည်းမှုတွေနဲ့ လဲပြိုချိန်မှာ
စာနာမှုတွေနဲ့အတူ ကြင်နာစွာ ဖေးမသူတွေတော့
ရှိနိုင်ပေမယ့် …
စိတ်ခွန်အားတွေတိုးဖို့ တည်ငြိမ်မှုဆိုတာလဲ လိုမယ်။
လမ်းလျှောက်သင်ရင်း ခြေတစ်ဖက်ချော်လဲကျတဲ့ခါ
ဘ၀ရဲ့ မတူညီမှုတွေကြားက လှောင်ရယ်သံတွေကြားတယ်
ဥပေက္ခာတရားတွေ ထမ်းပိုးရင်း …
လှောင်ရယ်သံတွေ ကျောခိုင်း တိတ်ဆိတ်တဲ့ညတွေပဲ
ဖြတ်သန်းတော့မယ် ...။
0 comments:
Post a Comment